آج آپ کو ایسے کیفے میں لے چلتے ہیں جہاں کھانے پینے کے پیسے تو نہیں لگتے ۔ البتہ وقت گزارنے کے پیسے ضرور لیے جاتے ہیں ۔

فری اسپیس کیفے میں خوش آمدید لیکن یہاں آپ کا استقبال کوئی خوش اخلاق دربان نہیں بلکہ گھڑی کی یہ ٹک ٹک کرے گی۔

یہاں آپ اپنے میزبان خود ہیں، جو چاہیں جتنا چاہیں ، کھائیں پیئں، ، جہاں چاہیں بیٹھیں، گیمز کھیلیں، مفت وائی فائی استعمال کریں۔

بس ایک بات کا خیال رکھیں ۔ آتے اور جاتے وقت گھڑی ضرور دیکھ لیں کیونکہ یہاں کھانے کے تو نہیں البتہ وقت گذارنے کے پیسے ضرور لگتے ہیں اور ہاں برتن بھی خود دھونے پڑتے ہیں ۔

کیفے روس، یوکرین، برطانیہ اور سلووینیا میں موجود ہیں جہاں ایک منٹ گزارنے کے سات سینٹ لیئے جاتے ہیں۔ حیران کن بات یہ ہے کہ اس انوکھے کیفے میں لوگ عام کیفے کی نسبت چار گنا زیادہ وقت گزارتے ہیں۔